Physical Address
304 North Cardinal St.
Dorchester Center, MA 02124
كل مامي جديدة تعيش مشاعر متناقضة مع بداية العام الدراسي Back2School ، مشاعر متناقضة ما بين الحماس و القلق على طفلها والحماس أنه سيبدأ مرحلة جديدة في حياته ، وشعور القلق من أن طفلها أول مره يبعد عنها أو انه يواجه مجتمع جديد ، كمان الحماس انها اخيرا بيكون في جزء من يومها لنفسها تجربة أول يوم دراسة مش بس بتكون للطفل ، لكنه احساس مختلف للأم أيضا بمشاركتها طفلها مرحلة جديدة مختلفة وتشوفه بيكبر قدام عنيها وكمان انها اول مرة تخوض المرحلة دي ، وبالتالي الأم بتكون محتاجه انها تستعد نفسيا وعمليا عشان تعدي الفترة دي بسلام وانها تكون متطمنه .
أهم الخطوات اللي هتساعدك في بداية الدراسة
أولاً: تهيئة نفسية للأم
خطوة تهيئة الأم من أهم مراحل هذه الفترة لأن شعورها ينتقل تلقائيا لطفلها لو بدأت المرحلة بقلق وتوتر الطفل لااراديا هيكون قلقان ومش هيحب المدرسة ، لازم الفترة دي تكوني بتفكري بشكل ايجابي لان المدرسة مش فترة اختبار ، فيها ابنك ينمو ويتعلم ويتطور من مهاراته وأنها مرحلة مهما كلنا مرينا بيها لازم تهيئته نفسيا ببعض النصائح وتدخليه في تفاصيل العالم الجديد بشكل تدريجي عشان يطمن .
ثانياً: تهيئة نفسية للطفل
الطفل طبيعي هيكون قلقان لانه لاول مره هيكون لوحده من غيرك او من غير الناس اللي متعود عليها ، دورك هنا تمهديله الخطوة بالتدريج ، احكي له قصص عن المدرسة واللعب والاصحاب واربطيها دايما بأي حاجه هو بيحبها هيكون عنده حماس انه يروح ويشوف المكان الجديد ، شجعيه اتفرجي معاه على فيديوهات لأطفال في سنة بيعملوا أنشطة واحتفالات في المدرسة ، ممكن زيارة للمدرسة قبل الدراسة ، طمني طفلك انك دايما موجوده معاه وفي اي وقت لو احتاجك هيلاقيكي ، اكدي عليه دايما انه هيتعلم حاجات جديده هو بيحبها وانه هو محبوب من المدرسين ومن صحابة هتزود ثقته بنفسه وفي اللي حواليه .
ثالثاً: تنظيم الروتين اليومي
روتين يومك ونظامك هيساعدك جدا انك ترتاحي خلال فترة الدراسه اهم شيء قبل بداية الدراسة بأسبوع انك تعودي الطفل على النوم والصحيان بدري ، لان النوم بدري هيساعد على تركيز الطفل وتعديل مزاجه طول اليوم ، مهم جدا ان لانش بوكس المدرسة يحتوي على وجبات غذائية صحية ومتنوع من الأكلات المفيدة الغنية بالبروتينات والألياف ، كمان لو عملتي جدول لنظام يومك ونشاطك في البيت هيخفف عليكي جدا مجهود فترة الدراسة .
رابعاً: التواصل مع المدرسة
التواصل بشكل دائم مع المدرسين والإدارة مهم في الفترة دي انك متابعة تفاصيل يوم ابنك حتى لو مش قدام عينك ، واعرفي من المدرسين مستوى طفلك وسلوكه وهل هو اجتماعي والا انطوائي بيشارك في الانشطة والا لا عشان تتابعي سلوكه خطوه بخطوه مهم جدا خصوصا اول فترة في حياة الطفل دا هيفرق في تفكيره وتركيزه في المدرسة .
خامساً: أهم النصائح العملية
- الترتيب والتنظيم من بليل يختصر عليكي وقت طويل الصبح جهزي شنطة المدرسة واللانش بوكس من الليلة السابقة.
– وجود ركن مخصص للمذاكرة دا هيساعد الطفل انه يركز وانه يكون منظم؟
-شجعي طفلك باستمرار أنك تكافئيه على كل حاجه حلوه بيعملها على حسب هو بيحب ايه .
– اول فترة بلاش التركيز يكون مع الطفل بشكل كبير وتقبل فكرة انه ممكن يغلط وان الفترة دي فترة تعليم وخطوة خطوة بيتعلم وبيفهم .
سادساً: دعم الطفل عاطفياً
دايما لازم يكون في كلمة حب وتشجيع للطفل حتى لو معملش حاجه انا فخورة بيك انت شاطر ، اتبسط واللعب مع اصحابك ، عودية يحكيلك تفاصيل يومه ، كل دا يقويه ويفرق في إحساس الطفل وشعوره بالأمان .
